又一個勁難預約嘅地方，經過唔知幾多次嘅登記訓練之後，終於係一個月前成功book到，所以就同埋奶奶嚟行返轉。
依度個環境真係勁靚，入到嚟都成個人都好舒服，但由於寺廟唔係做一個旅遊景點，所以我地參觀時都真係要非常安靜，唔可以影響寺僧靜修。
因為疫情關係，抄經、行禪及善生坊都取消冇得參與，再加上我地嗰日有雷暴警告，所以觀音位置封左，我地就冇得供水祈福同近距離欣賞觀音，係有丁點失望嘅，不過就當係一次慢活洗滌心靈之旅。
係走嘅時候都仍然係雷暴警告生效中，但奶奶話好想同觀音供水祈福，所以......我又係時間要努力搶位預約再帶佢嚟啦~
慈山寺 Tsz Shan Monastery